Stucture

Allah Tuhan Muhammad Nabi
Quru-an Imum Islam Agama
Ka'batullah yang kamoe hadap
Ummat Muhammad Bandum Saudara

Agama nyoe troen lam donya
phon rot jibril geuba bak nabi
leuh nyan peuturie bak mandum sahbat
yang taat-taat meutuah hate

Geutung le sahbat bak Rasulullah
Yang poe amanah Tuhan Yang Esa
Geu plei lam hate ulama masa nyan
Meusipreuk lam alam Agama Mulia

Geutung lah oleh Tabi' tabi'in
Yang 'alem-'alem yang jroh-jroh dada
Geukarang-karang lah kitab pedoman
untuk ikutan but-but saidina

leuh nyan geu-plei lam dada insan
ngon tulong Tuhan Agama Hasei
Geusambong sambong troh bak geutanyoe
meunoe keuh kisah jalan agama

Allah keuhendak mandum atra nyan
untuk peuhudep agama Nabi
Ta peupah pike le tanyoe mandum
bek salah Jalur Jalan yang suci

Mubek tanyoe boh Alem Ulama
Karena Gob nyan Meuwareh Nabi
Allah Meukalam Menan lam Quran
Bek cangklak tanyoe Ulama Ta Benci

Bila Agama ingin ta ikot
Bek takot-takot peu toe ulama
Karena Ulama yang Tueng Amanah
Agama Allah bak gobnyan kunci

Tajak meurunoe tanyoe banmandum
bek salah jalan tacok agama
karena jinoe leu ganje-ganje
Rame yang jahe jeut peugah haba

Ileme Bacut di mariet manyang
Ibadah Meukarang sabe di pubuet
Ileume Hana meubacut lam badan
Aleh pakre ban wate di jak buet

Disok le surban yang manyang-manyang
Dingui pakaian lage ulama
wate ta kaloen silayang pandang
Sang-sang Ureung nyan ule Aulia

Wahe saudara Bek ta peu cawoe droe
Ta kaloen jinoe leu that aliran
Ta turei agama ngon tajak meurunoe
bek jalan praktis tacok keu jalan

Ta nyoe meulazem dengoen tajak beut
Supaya Berkah Ilme lam badan
Guree teuh beuna nyang jeut ta ikot
Kalam dengon buet jeut keu Tauladan

Bek ta mita Gurei Asai Jeut Fatihah
Nyang Cedah-Cedah dalam Suara
Tapi Ta kaloen Ulama Ceudah
Lam Istiqaamah Ureung Nyang taqwa

Beu jeut ta kaloen ngon mata hate
Cit meutuah lahe dalam buet gobnyan
Deuhlah bak lisan dengon buet lahe
Gobnyan Keuh nyang poe title Taqwa

Bek tuhoe lake bak Allah Meuceh
Supaya Tanyoe geubrei peutunyok
Geubrei ngon Guree Ureung nyang Shaleh
Ureung nyang Leubeh Dalam Agama
.............................................................

Oh noe keuh dile nyang jeut lon tuleh
Phoen that ka droe loen Ureung nyang jahe
Loen ureung leumoh lom ureung Dhaef
Ureung yang Faqer Di Dalam Donya

Raja Muda Nyoe nama pena loen
Tema Nama Loen Mahyuddin Aw
Tapi Diri loen leu nan ureung hoi
Na yang hoi ngon yud dan yudie aw

Ayah Ngon Umie geu hoi Wahyuddin
Karena nyan keuh nan wate lahe loen
Teuma saboh roe Jeut keu Mahyuddin
Wate loen peugot Akte lahe loen.

Saleum Meutuah Raya,
Raja Muda Aw.

Untuk Download Artikel Klik Gambar